La nosta mission

Fondada lo 20 de deceme de 2018, l'associacion Esperit deu Sud 40 qu'a com prètzhèit de promòver, preservar e har vàler las culturas locaus qui hèn de las Lanas un endret de partatge e agradiu tà'i víver.

​

Fièrs d'aquera faiçon de víver, qu'envitam tots los Landés qui s'arretròban dens aqueras valors a rejúnher l'associacion entà refusar lo modèle de societat qui a per mira de boishar la diversitat deus mòdes de vita e las nostas especificitats locaus. Dens aqueth mond qui's globaliza a mei anar mei, que'ns cau a tota fòrça raperar que la proteccion e la promocion deus patrimònis culturaus immateriaus, tant que non hèn pas empach aus Drets de l'Òmi, qu'an d'estar respectadas e de's poder transméter en tota libertat.

 

Las diferentas fòrmas de caça, de pesca, de tauromaquia, las arts e practicas de l'agricultura, deu neurissatge, de la gastronomia atau com las manifestacions folcloricas, esportivas e culturaus, la  valorizacion e la transmission de la lenga occitana de Gasconha que participan d'aqueth Esperit deu Sud qui a per sòla un patrimòni ancestrau hòrt partatjat per las nostas regions, e qu'apartien a l'Estat e a cadun d'enter nosauts de preservà'u.